Una competicion dobèrta

DECEMBRE : UNA COMPETICION DOBÈRTA

- Las resultas :
-- Uèitena jornada (25 al 27 de novembre) : Tolosa-ASC : 32-23 ; Vilanòva-Limós : 17-6 ; St-Gaudenç-Lion : 46-0 ; Pià-Vilafranca : 38-16 ; UTC- Carpentràs : 64-4

-- Novena jornada (dimenjada 2/3 de decembre) : ASC-Carpentràs : 62-0 ; Vilafranca-Lesinhan : 20-28 ; UTC-Pià : 22-48 ; St-Gaudenç-Vilanòva : 16-16 ; Tolosa-Lion : 56-6
Jogava pas : Limós

-- Desena jornada (dimenjada 9/10 de decembre) : Pià-ASC : 38-22 ; Lesinhan-Limós : 20-20 ; Lion-Carpentràs : 30-18 ; Vilanòva-Tolosa : 16-17 ; Vilafranca-UTC : 18-24
Jogava pas : St-Gaudenç

-- Onzena jornada (dimenjada 16/17 de decembre) : UTC-ASC : remés al 6/1 ; Limós-Vilafranca : 26-14 ; St-Gaudenç-Lesinhan : 24-12 ; Pià-Lion : 100-6 ; Carpentràs-Vilanòva : 29-40
Jogava pas : Tolosa

-- Dotzena jornada (dimenjada 22/23 de decembre) : Vilafranca-ASC : 6-26 ; Limós-St-Gaudenç : 29-25 ; Lion-UTC : remés ; Lesinhan-Tolosa : 24-18 ; Pià-Vilanòva : 64-16
Jogava pas : Carpentràs

- Lo classament :

1) Pià, 29 (11 partidas) ; 2) Tolosa, 28 (11) ; 3) Lesinhan, Limós, St-Gaudenç, 24 (11) ; 6) ASC 23 (10) ; 7) UTC, 21 (9) ; 8) Vilanòva, 20 (11) ; 9) Vilafranca, 17 (11) 13 ; 10) Lion, 12 (10) ; 11) Carpentràs 10, (10)

- Lo comentari : Una competicion sarrada

Se, aprèp la onzena jornada, Tolosa èra lo campion de la davalada, .a la pausa ivernala, Pià pren la primièra posicion, mercé la victòria de valents lesinhaneses contra los tolzans.
Darrèr, e pas luènh, Lesinhan, Limós, l'ASC, St-Gaudenç e l'UTC se tiran la borra. Vilanòva e Vilafranca, amai plan volontoses, marcan lo pas alara que Lion e Carpentràs demòran assetats al fons de la classa !

- Remarcas :

- Partidas remesas : tarrenc negat a St-Estève, tarrenc jalat a Vilurbana, e l'UTC se trapa amb doas partidas de retard de jogar !
- D'un jorn l'autre : aquela equipa de l'UTC que càmbia de fisonomia d'una jornada l'autra segon l'incorporacion o pas de Dragons, de juniòrs o de reservistas. Per la regularitat del campionat es un pauc limite que depend de la qualitat del jorn de l'equipa catalana que se trapa en fàcia !
- Cartons : los cent punts preses per Lion (ai ! ai ! ai) a Pià, mas tanben los 60 encaissats per Vilanòva encara a Pià !

- E l'ASC ?

L'ASC se compòrta plan melhor que las annadas passadas amb un sistèma de jòc que se met en plaça, d'avants qu'avançan e una solidaritat d'equipa. Los Dragons an liberat lo Teddy Saddaoui per venir renfortir los jaunes e negres. Çaquelà, las resultas fan encara de zigas e de zagas. A Tolosa, primièra mièg-temps pietadosa abans un revelh tarrible que s'atudèt dins las dètz darrièras minutas. Lo dimenge d'apuèi, victòria aisida contra Carpentràs. De qué partir amb de vam a Pià : mas la vitessa, la percussion dels avants, lo pè de Gressèca mostrèron lo camin encara de faire per èsser al pus naut. Aprèp un dissabte de pausa forçada, victòria plan bastida a Vilafranca. En resumit : l'ASC es dins lo còp !

 En tres passas :
-- Adieu : al grand Gilabèrt Benausse, lo grand tres quart centre de Lesinhan, Carcassona e del XIII de França mòrt a la fin de novembre.

-- Excepcionala : lo 25 de novembre, la finala del Tri-nations entre Australia e Novèla-Zelanda que los Cangorós acabèron per ganhar 16-12 dins las prolongacions. Una finala tarribla : a te copar lo buf duscas a las prolongacions ! Domatge (per elis) que lo Stacey Jones siague pas estat precís al pè autrament los Negres t'aurián plegada la partida.

-- Escapulari : Tornar prene lo crit del Rodolphe Pirès pendent la finala del Tri-nations : " Gardons le scapulaire ! " (le V suls malhòts). Vertat qu'es una marca istorica del XIII.

-- Brava oposicion : aquela del XIII de França juniòr fàcia als Australian Scholls Boys (lo 17/12, a Domèc) que perdèron 32-18 mas que demorèron de longa dins la partida e prenguèron fòrça iniciativas.

-- Local : l'ASC ten un local novèl (e bèl) al 5 de la carrièra Buffon.

-- Rambalh copa-cap : aquel de la sonorizacion super-maxi-fòrta de l'estadi dels Minimes.

-- En òc : rubrica en occitan tenguda per l'amic Sèrgi Viaule dins lo mesadièr 81-Ovalie.

-- Sus Internet : un site d'anar véser : www.goldrugby.com

-- Dragons : l'estadi Brutús tornarà (enfins !) bronzinar del vam tretzista per la sason novèla dels Dragons : represa lo 11 de febrièr a Wigan, primèra partida en tèrra catalana lo 17 de febrièr contra Salford (www.catalansdragons.com/calendrier.php)

-- Un libre : lo libre L'Année des Dragons (textes d'Alain Bonnerie, fotografias de Joan Roig ; en francés e… anglés, a las edicions dels Trabucaires !) per tornar trapar los grands moments d'aquesta primièra sason istorica (25 euros, www.catalansdragons.com/boutique/)

-- A 14 : La Super-League en 2009 amb en mai dels 11 angleses e dels Catalans, una equipa gallesa e una equipa occitana ? Tolosa es candidata a aquela plaça.

-- Finala : la finala de la Copa de França se debanarà lo dimars 1èr de mai a Carcassona.

- Internet :

Los afogats de l'ASC : http://canari-club.forumactif.com/ (una pagina es consacrada a totes los ligams utiles dins lo monde tretzista : http://canari-club.forumactif.com/viewtopic.forum?t=84)

L'ASC XIII : www.ascarcassonne13.com (Òm se pòt abonar a la letra d'informacion de l'equipa).

BONA ANNADA DE 2007

AMB FÒRÇA ENSAGES, D' EMOCIONS

E LO GRAND PLASER DE L'ESPÒRT

2007, ANNADA TRETZISTA !

Tornar a las Rubricas ?
Tornar al somari ?
Tornar a l'index ?