De la China a la teièra...


De la Chine à la théière...

La preparacion

Se cambiatz sovent de qualitat de tè, val mai utilizar una teièra de veire que garda pas lo gost del tè.

Vojatz la quantitat soetada de tè dins un filtre pel tè de papièr, melhor que las bòlas d'acièr o d'alumini que daissan pas pro de plaça a las fuèlhas per se conflar.

Quand l'aiga ritz (est frémissante), vojatz-la dins la teièra. Respectatz lo temps d'infusion per la varietat de tè emplegada (de 3 a 5 minutas). Un còp infusat, enlevatz lo filtre, e tastatz.

Comptar 3g (un culhèr pichon plan emplenat) de tè negre o a mitat fermentat e 4 a 5g de tè verd per taça.

Cal pas tornar far calfar lo tè preparat ; val pas res.

La tasta del tè serà mai agradiva se l'acompanhatz de pastissons secs o de "cake" amb fruchas.

naut de pagina
Los benfaits

Lo tè es totjorn estat considerat pels Chineses coma una beguda benfasenta per la santat.

Lo tè, gràcias a sa compausicion, ten mai d'unas accions beneficas sus l'organisme uman.

La teina, que li dison tanben cafeina, estimula los centres nervioses e favorisa l'activitat fisica. Agís sul sistèm cardio-vasculari, en renforçar e regularizar los tuts del còr. Es considerada coma diuretica, e fa tanben de ben a la circulacion renala.

Lo tè conten fluòr, en quantitat sufisenta per protegir l'esmalt de las dents e empachar lo desvolopament de las carias. Lo tanin favorisa lo creis e la resistància dels pelses.

Lo tè es ric en vitamina B1, qu'influís l'aparèlh digestiu e en vitaminas B2 e P, qu'aurián una accion benefica suls teissuts sanguins. Conten tanben vitamina A, qu'ajuda la creissença (tot o monde sap que los Chineses son mai grands que la mejana dels umans !!!). La vitamina C es sustot presenta dins lo tè verd. Estimula las defensas naturalas de l'organisme ; lo tè es un excelent vaso-dilataire de las coronàrias, en empachar lo durciment natural de las artèrias. Dison tanben que ten un efèit tonic sus la respiracion.

Lo tè conten dos o tres còps mens de cafeina que lo cafè. Se pòt tirar una granda quantitat de la cafeina del tè en getar l'aiga de la primièra infusion.

Per çò qu'es dels anti-oxidants, lo tè pòt èsser comparat als legums.

naut de pagina
Las recèptas
Nauquets de crèma
al tè de jansemin

Çò que vos cal (4 personas):

40 cl de lait, 3 uòus, 80 g de sucre, 2 culhèrs a sopa de tè de jansemin, 1 culhèr a sopa de mèl liquida.
Per decorar : 200 g de majofas (fraises) pichonas e qualques cigaretas russas

La recèpta :

Calfar lo forn a th 5-6 (160°). Faire bólher la lait dins una cassairòla. Quand bolhís, ajustar lo tè, cobrir, atudar lo fuòc e daissar infusar 5 min. Filtrar la lait e la gardar al caud.

Dins un ensaladièr, copar los uòus e los batre amb lo sucre e la mèl. Vojar la lait plan cauda tot doçament sens arrestar de batre. Repartir la preparacion dins quatre nauquets (ramequins) e faire cuèire dins un banh-maria pendent 35 a 40 min al forn.

Verificar qu'es cuèit amb una lama de cotèl, los sortir del forn e daissar enfregir abans de los botar 1 ora al fresc.

D'aquel temps, lavar las majofas e las copar en quatre. Servr los nauquets de crèma plan frescs, decorats de majofas e de cigaretas russas.

Se pòt beure un vin d'Anjó sec 98.

 

 

 

 

 

Ne volètz saupre mai sus la cosina ?

naut de pagina

Deman, en rota cap a d'autras aventuras...

Tornar al calendièr de l'Avent ?
Tornar al somari ?