Lo barri de la Trivala
Carcassona

Per escotar la cançon de La Trivala interpretada pel grop Montanha Negra, clicatz aquí dejós
trivala.mp3
S'aquò fonciona pas, seretz brave de nos avisar

Un dels barris mai ancians de la " Vila bassa ", que uèi li dison " bastida Sant-Loís " que devèm al Loís IX una vila rectangulara, quadrilhada per una relha de carrièras perpendicularas aisidas de far gardar. Paur de qualque revòlta ? Sens dobte.

La carrièra de la Trivala garda uèi encara un caractèr de " vilatge " ont los estatjants se coneisson pro ben plan, se balhan la man los jorns de nèu per netejar los trepadors. Una associacion dels estatjants, que se ditz " lo Trivalenc ", organiza cada an una fièira de produches biologics (vins, formatges, legums, vacas, fedas...) lo primièr dimenge del mes de junh, un " voida-granièrs ", al mes de setembre. Repaisses ont cadun pòrta son manjar se fan pro sovent. Un jornalet pareis de temps en temps que fa lo punt sus las mòstras, animacions. Un barri que i fa bon viure e s'i trapa tanben lo sèti del cercle occitan de Carcassona.
Se ne volètz saupre mai sus la vila de Carcassona, vos aconselham la visita d'un site plan documentat :
http://mescladis.free.fr/

Un restaurant, amic del cercle occitan, presenta qualques plats simpatics, restauracion rapida o cosina mai elaborada. Se ditz " Lo Trivalou " ; Flo e Joan-Miquèl vos reçaupràn encara melhor se vos recomendatz de nosaus ! (Un restaurant, ami du cercle occitan, présente quelques plats sympathiques, restauration rapide ou une cuisine plus élaborée. Son nom est “ Le Trivalou ” ; Flo et Jean-Michel vous recevront encore mieux si vous venez de notre part !)


Bon apètis !

A la Trivala, lo jorn del voida-granièrs, lo mond de culturas diferentas dansan per la carrièra !

Fòrça boticas vos espèran : especièr, pastissièr, un restaurant italian (fa pas de pizza !!) que se ditz " Ponte Vecchio ", un tabat-jornals... Just a costat de la Trivala, Carrièra de la Gafa, veiretz un magazin que se ditz "Une maison en Toscane" : s'amerita la visita que podètz començar en clicar sul nom del magazin. Quand tornaretz a la Trivala, a " L'Or du Temps ", traparetz un fum de pepetas, ancianas o actualas, un fum de nonors vestits e tanben, la pichona " occitana " vestida amb telas lengadocianas e que pòrta la calina per se parar del solelh que tusta fòrt.

Tornar al somari ?