De la soca al cèl de la boca...
De la souche au palais...
Aquiles MIR,
un felibre lengadocian
que cantèt lo vin

Nascut en 1822, a Escalas (Aude), aquel vilatge que nega l'esprit e l'ama dins lo jus de gabèl, dins un moment ont la vinha s'espandís e fa la fortuna del país, es a fet normal de trapar lo vin plan present dins l'òbra de nòstre felibre. Lo pairin mancava pas de li dire : Bon tap fa bon vin e d'ajustar : tap tarat taparà pas, tap pas tarat taparà.

Aquí una tièra d'expressions qu'avèm trapadas dins l'òbra d'Aquiles Mir (trabalh realizat per Alan Roch, contaire e animator cultural de la seccion d'Aude de l'Institut d'Estudis Occitans).

• lo rasim

- pròpre coma un rasim
- cheringar coma un rasim foirós
- fresc coma un rasim albairat
- fronzit, rafit coma de pansarilhas
- doç coma un muscat daurat
- plorar coma de grans de rasims
- emmoralhat coma un gos de caça al temps dals rasims

• la soca

- troçar coma una bana de soca
- rampant coma una vise de vinha
- intelligent coma una soca

• lo vin

- aigassejat coma un vin de pension
- trebol coma de vin de rausa
- s'en regalar coma d'un vèire de vin cuèit o de cartagèna
- preciós coma una botelha de bon vin vièlh
- pur coma de vin sens aiga
- pur coma de vin coma Dius l'a fait
- ragostant coma de vin picat ondrat de clavèls de giròfla (moscas)
- gai coma lo champanha
- doç coma un muscat daurat
- emplastrat/masticat coma una pèl de granhòta sus la fenda d'una carbassa de vin
- embraçar coma doas carbassas de vin

Un prospèctus escrit en francés e en occitan : una iniciativa de seguir !!!

DOÇOR DE VIN (una marca depausada a l'INPI)

Ai depausat la marca Douceur de Vin per vos permetre de reconéisser mas fabricacions.

Totas las Doçors de vins son diferentas per la bona rason que los vins son diferents.
Ajusti pas cap d'espécias, cap aromat.
Las Doçors de vins pòdon èsser utilizadas en plats salats o sucrats, las podètz preparar dels afogassets als dessèrts.
Es a vos d'ajustar espécias, aromats, ingredients.
La Doçor de vin es una ajuda aisida d'emplèc per la cosina. Lo pòt, un còp entamenat, se sèrva al refrigerator.

Per fondre las Doçors de vin, val mai lo banh-maria o lo micrò-onda (quauques segondas). Fasètz mèfi de pas far bolhir la Doçor de vin sola : cambiariá d'aspècte e poiriá cremar.

QUAUQUES IDÈIAS DE TASTA

La Doçor de vin muscat se tasta coma una confitura. Sus tòsta al dejunar. Los enfants se'n perlupan sus pescajons cauds (cap de problèma : i a pas mai d'alcòl !). Pels bèls, amb de fetge gras : metre pas gaire de Doçor de vin sus las tòstas, just per " salir " lo pan, puèi onchar de fetge gras cuèit o mièg-cuèit.
Se pòt botar sus una tartra de pomas : faire fondre la Doçor de vin al banh-maria e n'enfarnissar la tartra freja o la tartra a la sortida del forn, espandir la Doçor que fondrà a son contacte, plan repartir sus la susfàcia.
La Doçor de vin roge acompanha las preparacions de buòu, caçum, tiron : un buòu a las carròtas tot simple vendrà genial s'ajustatz un culherat a cafè de Doçor de vin per quilò de carn ; un civet de conilh, de lèbre o de singlar aurà un aire e un gost vielhanchon del melhor efècte.
La Doçor de vin rosat ondrarà vòstres glacets, perfumarà tota vòstra frucha padenada o gratinada.

Anita e Jean-Marie JALABERT
Las Cabanas de la Pauma
11480 - LA PAUMA (Lapalme)
Tel/fax : 04.68.48.35.15

Fòto de Joan-Loís Caparròs (ne veire d'autras ?)

Deman...
Tornar al calendièr de l'Avent ?
Tornar al somari ?