De la soca al cèl de la boca...
De la souche au palais...
Clubs de tasta de vin que se recampan un còp per mes :
Mossolens, Ventenac, Tirotaps (Carcassona)

Vinairons amics de la seccion d'Aude de l'Institut d'Estudis Occitans :
Robèrt Curbières La Ventalhòla 11610 Ventenac
Jaume Guérin, Las 1000 vinhas 11480 La Pauma
Luc Lapèira, L'Amorièr 11160 Traussan de Mbés
Joan-Claudi Loupia, Los Albarèls 11610 Puègnautièr
Robert Gianesini Domèni Jouclary 11600 Concas d'Orbièl
Gui Marre, Blanqueta 11300 Vilalonga
Catarina e Pèire Roque, Clovallon 11700 Capendut
Martina Saillan, Cava Coop. de Concas d'Orbièl
Joan-Marc Taudou, 11300 Lopian
Miquèl e Sivia Escanda, Felinas de Menerbés

L'IBRONHARIÁ

Dins un libre plen de rason,
Ai legit : Quand Noè plantava
Lo malhòl, Satan l'asagava
Ame lo sang pur d'un pavon.
Quand lo plant agèt pres racina,
Que la fuèlha s'espandiguèt,
Lo rei de l'infèrn l'asaguèt
Ame lo sang de la monina.
Lo rasim escapat e devengut agràs,
Ame lo dal lion pintorlejèt los grans.
La gaspa, còp sus còp, vairada,
Enfin, de sang de pòrc siaguèt amadurada,
Lo mème conte ditz que dals quatre animals
Lo vin garda despuèi los defauts capitals.
De fèt, al premièr gòt que raja dins l'artèra,
Lo beveire risent cambia de caractèra :
Son èlh fa miralhet, sa gauta pren color,

Se confla coma lo pavon.
Que nòstre òme begue a rasadas,
Sentirà dins lo front milanta lancejadas ;
Coma un singe grimaçarà,
De cançons, de babil, vos entantinarà :
Adiu ! las idèas sensadas !
Mès s'anauça lo coide a ne pèrdre l'aplomb,
Deven furiós coma un lion,
S'agantariá ame paire e maire.
S'enfin lo malurós pintaire
Dins l'òli de gavèl fa mamar sa rason,
La pus justa comparason
Qu'òm pòsque faire d'un ibronha
- Quand se sariá banhat ame de vièlh Borgonha -
Es lo d'un pòrc. Ara, pintons,
S'avètz comprés, ibronhatz-vos !

Aquiles MIR

Deman...
Tornar al calendièr de l'Avent ?
Tornar al somari ?